वालचंदनगर- नातेपुतेला जोडणारा कळंबोली पूल वाहतुकीसाठी खुला

सोलापूर // प्रतिनिधी 

सोलापूर व पुणे जिल्हा सीमेवरील वालचंद नगर नातेपुतेला जोडणारा नीरा नदीवरील कळंबोली पूल अत्यावश्यक सेवा वाहतुकीसाठी खुला करण्यात आल्याचे आदेश जिल्हा पोलीस अधीक्षक मनोज पाटील यांनी जारी केले आहेत. 

जिल्ह्यात कोरोनाचा प्रादुर्भाव रोखण्यासाठी प्रतिबंधात्मक उपाययोजनेसाठी आणि गर्दी टाळण्यासाठी वालचंदनगर ते नातेपुते जाणाऱ्या रस्त्यावरील कळंबोली पूल सर्व प्रकारच्या वाहतुकीसाठी बंद केला होता. मात्र स्थानिक शेतकरी आणि दूध वाहतूक करणाऱ्या वाहनांची गैरसोय टाळण्यासाठी नीरा नदीवरील कळंबोली पूल अत्यावश्यक सेवेसाठी सुरू करण्यात येत आहे, असे श्री. पाटील यांनी आदेशात नमूद केले आहे.