भूमिपूजन कार्यक्रमाच्या गेस्ट लिस्टमध्ये आडवाणी-जोशी वयाचा हवाला देत अनुपस्थित, मात्र मंचावरील उपस्थितांपैकी 5 मधील 4 जणांचे वय 60 पेक्षा अधिक

वृत्तसंस्था // प्रतिनिधी 

भूमिपूजनासाठी जन्मभूमीपर्यंत जाण्याचे ज्यांना सौभाग्य मिळेल, त्या निवडक पाहुण्यांच्या यादीमध्ये 135 संत आणि 40 प्रमुख लोक समाविष्ट आहेत. एकूण 175 अशी नावे आहेत, ज्यात देशातील अशा लोकांचा समावेश आहे, जे राम मंदिर भूमिपूजनाचे साक्षिदार बनतील. 

135 संतांना बोलावण्यात आले आहेत, ते भारत आणि नेपाळधून आहेत. तर 36 संप्रदायाचे माननारे आहेत. नेपालच्या जनकपूरच्या संतांनाही बोलण्यात आले. पितृ पुरुष लालकृष्ण आडवाणी आणि मुरली मनोहर जोशी कोरोना व वयामुळे निर्माण होणाऱ्या धोक्यामुळे अनुपस्थित राहणार आहेत. श्री रामजन्मभूमी तीर्थ क्षेत्र ट्रस्टचे सचिव चंपत राय यांच्यानुसार आमंत्रण आणि निमंत्रणाची संपूर्ण यादी आडवाणी, जोशी आणि वकील यांच्याशी सल्लामसलत करून तयार केली आहे.

जे मंचावर उपस्थित असतील या पाच लोकांमध्ये पंतप्रधान नरेंद्र मोदी, सरसंघचालक मोहन भागवत, उत्तर प्रदेशच्या राज्यपाल आनंदीबेन पटेल, महंत नृत्य गोपालदास आणि राज्याचे मुख्यमंत्री योगी आदित्यनाथ यांचा समावेश आहे. राज्यपाल आणि मुख्यमंत्र्यांना हे स्थान प्रोटोकॉल म्हणून देण्यात आले आहे. योगी आदित्यनाथ वगळता प्रत्येकजण 60+ आहे. विहिंपचे महत्त्वाचे नेते अशोक सिंघल यांच्या कुटूंबातील त्यांचे पुतणे पवन सिंघल आणि महेश भागचंदका या भूमिपूजनाचे यजमान असतील म्हणजेच त्यांच्या हातांनी पूजा केली जाईल.

आमंत्रितांच्या प्रमुख लोकांविषयी बोलायचे झाले तर उमा भारती या आडवाणी यांच्या सर्वात जवळच्या आहेत. राममंदिर आंदोलनाचा त्या प्रमुख चेहरा राहिल्या आहेत. उमा भारती अयोध्येत पोहोचल्या आहेत. त्या सध्या कार्यक्रमस्थळीही पोहोचल्या आहेत.

जन्मभूमीवर उमा भारतींसह भाजपा नेते जेपी नड्डा, खासदार लल्लू सिंह, भाजपा नेते आणि जन्मभूमी चळवळीचे महत्त्वपूर्ण चेहरा विनय कटियार, उत्तर प्रदेशचे उपमुख्यमंत्री केशव प्रसाद आणि दिनेश शर्मा, उत्तर प्रदेशचे कॅबिनेट मंत्री सुरेश खन्ना आणि लक्ष्मी नारायण सिंह यांचा समावेश आहे. माजी राज्यपाल व मुख्यमंत्री सीएम कल्याण सिंह आणि जयभानसिंग पवैया हेदेखील या यादीचा भाग आहेत.

विश्व हिंदू परिषद आणि आरएसएस

विहिपचे कार्यकारी प्रमुख आलोक कुमार, सदाशिव कोकजे, प्रकाश शर्मा, मिलिंद परांदे, रामविलास वेदांती आणि जितेंद्र नंद सरस्वतीशिवाय विश्व हिंदू परिषदेच्या हायपाव्हर कमेटीचे 40-50 लोक याचा भाग असू शकतात. तसेच राष्ट्र स्वयंसेवक संघाचे सरसंघचालक मोहन भागवतांसह सुरेश भैयाजी जोशी, विहिपचे दिनेश चंद, कृष्ण गोपाल, इंद्रेश कुमार येथे येतील.

श्री रामजन्मभूमी तीर्थ क्षेत्र टस्ट्रचे 15 लोक

महंत नृत्य गोपाळ दास, स्वामी गोविंद देव गिरी, चंपत राय, नृपेंद्र मिश्रा, स्वामी वासुदेव सरस्वती, अयोध्या राजघराण्याचे प्रमुख विमलेंद्र प्रताप मिश्रा, अनिल मिश्रा, कमलेश्वर चौपाल, महंत दिनेंद्र दास, वकील के पारासरण, गृह मंत्रालयातील ज्ञानेश कुमार, उत्तर प्रदेश सरकारचे अवस्थी आणि अयोध्याचे अनुज झा जिल्हा दंडाधिकारी.

कार्यक्रमात सामिल होणाऱ्या संतांमध्ये आखाडा परिषदचे नरेंद्र गिरी, साध्वी ऋतंभरा, योग गुरू रामदेव, श्री श्री रविशंकर, युगपुरुष परमानंद यांचा समावेश आहे.

पहिले आमंत्रण हाशिम अंसारी यांचे पूत्र इकबाल यांना

पहिले आमंत्रण अयोध्या वादात मुस्लिम पक्षाची बाजू मांडणाऱ्या हाशिम अंसारींचे पुत्र इकबाल अंसारी यांना पाठवण्यात आले होते. त्यांच्यासह एक अजून एक मुस्लिम चेहऱ्याला कार्यक्रमात बोलावण्यात आले आहे. त्यांचे नाव पद्मश्री मोहम्मद शरीफ आहे. त्यांना 10 हजारांपेक्षा जास्त बेवारस मृतदेहांवर अंत्यसंस्कार केले आहेत.

लालकृष्ण आडवाणी आणि मनोहर जोशींव्यतिरिक्त ज्यांना बोलावण्यात आले आहे. जे येण्यास असमर्थ आहेत. त्यांच्यात शंकराचार्य आणि काही संत आहेत. जे चातुर्मासामुळे येऊ शकलेले नाहीत. यासोबतच कोरोना काळामुळे कोणत्याही राज्यातील मुख्यमंत्र्यांना बोलावण्यात आलेले नाही.