फॅबटेक इंजिनीअरिंग कॉलेजच्या ६ विद्यार्थ्यांची ‘क्यू स्पायडर’या नामांकित कंपनीमध्ये निवड

 

 

सोलापूर // प्रतिनिधी 

फॅबटेक अभियांत्रिकी महाविद्यालयामध्ये ट्रैनिंग व प्लेसमेंट यांच्या वतीने पार पडलेल्या ऑनलाईन  कॅम्पस ड्राईव्ह मध्ये बेंगलोर येथील ‘क्यू स्पायडर’ या नामांकित आयटी  कंपनीमध्ये ६  विद्यार्थ्यांची निवड झाल्याची माहिती महाविद्यालयाचे प्राचार्य डॉ.आर. बी. शेंडगे यांनी दिली.

        या निवड प्रक्रियेसाठी कंपनीचे एचआर हेड व त्यांची टेक्निकल टीम ऑनलाईन  उपस्थित होती.  या निवड प्रक्रियेमध्ये डिग्री कॉम्प्युटर, सिव्हिल, मेकॅनिकल, विभागातील   विद्यार्थ्यांनी  सहभाग घेतला होता. या सर्व विद्यार्थ्यांची अँप्टिट्यूड टेस्ट, व ऑनलाईन मुलाखत घेण्यात आली.यामध्ये मयुरी जाधव, अश्विनी खटकाळे, पंकज औताडे, गौरी सावंत, स्नेहल वाघमारे, आशुतोष चव्हाण  या  विद्यार्थ्यांची  निवड  करण्यात आली आहे.   ही कंपनी आयटी सेक्टर मध्ये सोल्युशन देण्याचे व  सॉफ्टवेअर टेस्टिंगचे ट्रेनिंग देण्याचे कार्य करते.

 

 याच कंपनीद्वारे प्रभावती जाधव या विद्यार्थिनीस टेक महिंद्रा मध्ये ३.५ लाखाचे पॅकेज मिळाले आहे. तसेच शुभांगी शिनगारे या विद्यार्थिनींला देखील टीसीएस या कंपनीत ३.३६ लाखाचे पॅकेज मिळाले आहे.

  निवड झालेल्या सर्व विद्यार्थ्यांचे संस्थेचे चेअरमन व  मॅनेजिंग डायरेक्टर मा. श्री. भाऊसाहेब रुपनर, कार्यकारी संचालक श्री. दिनेश रुपनर, कॅम्पस डायरेक्टर श्री. संजय अदाटेयांनी अभिनंदन केले. यावेळी, अभियांत्रिकीचे प्राचार्य डॉ. आर. बी शेंडगे, पॉलिटेक्निकचे प्राचार्य प्रा. शरद पवार, अकॅडमिक डीन प्रा. टी एन जगताप,  ट्रैनिंग अँड प्लेसमेंट अधिकारी डॉ. साहेबगौडा आदी उपस्थित होते.