पुण्यात उच्चभ्रु परिसरात मोठी कारवाई, लष्करी अधिकाऱ्यासह 6 जण अटकेत

वृत्तसंस्था // प्रतिनिधी

पुणे शहरातील उच्चभ्रु समजल्या जाणाऱ्या येरवडा परिसरात संजय पार्कमध्ये डॉलरच्या बदलत्या बनावट नोटा देणाऱ्या टोळीचा पर्दाफाश केला आहे. पोलिसांनी लष्करी अधिकाऱ्यासह 6 जणांना अटक केली आहे. आरोपीकडून 7 कोटी 60 लाखांच्या बनावट नोटा आणि 2 लाख 80 हजारांची रोख रक्कम पोलिसांनी जप्त केली आहे.

पुणे पोलिसांचे खंडणी विरोधी पथक आणि भारतीय लष्कराने संयुक्त कारवाई केली आहे. या प्रकरणी गुन्हा दाखल करण्याचं काम सुरू आहे. आरोपी डॉलरच्या बदलत्या बनावट नोटा देत असल्याची धक्कादायक माहिती समोर आली आहे.