पालकमंत्री भरणे यांनी मानले सोलापूरकरांचे आभार

सोलापूर // प्रतिनिधी 

कोरोना विषाणूची साखळी तोडण्यासाठी जाहिर करण्यात आलेला लॉकडाऊनच्या काळात सोलापूरच्या नागरिकांनी अतिशय चांगल्या प्रकारे सहकार्य केले याबद्दल पालकमंत्री भरणे यांनी सोलापूरकरांचे आभार मानले. नागरिकांनी गेल्या दहा दिवसात प्रशासनाच्या सर्व सूचनांचे अतिशय काटेकोरपणे पालन केले. भविष्यातही सोलापूरच्या नागरिकांनी प्रशासनाला, महानगरपालिका, पोलिसांना अशा प्रकारे सहकार्य करावे, अशी अपेक्षाही त्यांनी यावेळी व्यक्त केली. त्याचबरोबर नागरिकांनी सार्वजनिक ठिकाणी मास्क वापरावा, वारंवार हात धुवावेत, फिजिकल डिस्टन्स पाळावे, गर्दीमध्ये जाणे टाळावे, लहान मुले आणि ज्येष्ठ नागरिकांची काळजी घ्यावी, असे आवाहनही त्यांनी केले.