रशियाने तिकडे लस काढली अन् भारतातील राजकारणी आजही अमेरिकेच्या प्रेमात पागल झालेय, संजय राऊतांचा मोदी सरकारवर निशाणा

 

वृत्तसंस्था // प्रतिनिधी 

देशभरातील कोरोनाचा विळखा दिवसेंदिवस वाढतच आहे. याच काळात रशियाने कोरोनावर लस काढली आहे. मात्र भारतात अजूनही लसची निर्मिती झालेली नाही. दरम्यान शिवसेना खासदार संजय राऊत यांनी सामनामधून मोदी सरकारवर जोरदार निशाणा साधला आहे. भारतातील राजकारणी हे आजही अमेरिकेच्या प्रेमात पागल झालेय म्हणत त्यांनी मोदी सरकारमधील राज्यकर्त्यांना टोला लगावला आहे.

हिंदुस्थान कोरोनाविरोधात ‘भाभीजी पापड’ लाटत बसला आणि तिकडे रशियाने कोरोनावर ‘लस’ बनवून बाजारात आणली. जागतिक आरोग्य संघटनेलाही त्याबाबत विचारले नाही. याला म्हणतात महासत्ता! आम्ही आमच्या मस्तीत आहोत, राष्ट्रातील संकटकाळात आम्हीच आमचे निर्णय घेऊ, जगाने नाक खुपसू नये असे बेदरकारपणे वागणाऱ्य़ा रशियाचा आदर्श आमचे राजकारणी ठेवणार नाहीत. आजही ते अमेरिकेच्या प्रेमात पागल झाले आहेत. असे म्हणत राऊतांनी भाजप नेत्यांना टोला लगावला.

आपण आत्मनिर्भरतेवर प्रवचनेच झोडत बसलो

संजय राऊत रशियाने काढलेल्या लसीला समर्थन देत म्हणाले की, रशियाने बनवलेली ‘लस’ बेकायदेशीर ठरवण्याचे प्रयत्न जागतिक पातळीवर सुरू झाले आहेत, पण रशियाचे अध्यक्ष पुतिन यांनी ही लस सर्वप्रथम आपल्या तरुण मुलींनाच टोचली व आपल्या देशात आत्मविश्वास निर्माण केला. आत्मनिर्भरतेचा हा पहिला धडा रशियाने घालून दिला. आपण आत्मनिर्भरतेवर प्रवचनेच झोडत बसलो आहोत. असा टोलाही राऊतांनी मोदींना लगावला आहे.

*🔹देशातील लाखो गोरगरीबांना वाली कोण?*

दिल्लीच्या मुक्कामात रशियाच्या लस प्रकरणावर चर्चा झाली तेव्हा एका सरकारी अधिकाऱ्य़ाने मिश्कील भाष्य केले, “हीच लस अमेरिकेत सर्वप्रथम बनली असती तर प्रे. ट्रम्प यांचे काय कौतुक आपण केले असते! आज ज्या मंत्र्यांना व बड्या अधिकाऱ्य़ांना कोरोना झाला आहे, त्यांनी रशियाची लस गुप्त मार्गाने आधीच आणली असेल, पण देशातील लाखो गोरगरीबांना वाली कोण?’’ हा प्रश्न अनुत्तरित आहे. अस म्हणत संजय राऊतांनी भाजपवर सवाल उपस्थित केले आहेत.

 माहिती सेवा ग्रूप २ ᴘᵉᵗʰᵛᵃᵈᵍᵃᵒⁿ, ᵏᵒˡʰᵃᵖᵘʳ:

 *📢नेपाळचे पंतप्रधान ओलींनी मोदींना केला फोन, दोन्ही नेत्यांमध्ये चार महिन्यानंतर बातचित*

🎙️नवी दिल्ली : नेपाळचे पंतप्रधान केपी शर्मा ओली यांनी काही महिन्यांपासून भारतविरोधी वक्तव्य केले होते. आता त्यांनी पंतप्रधान नरेंद्र मोदी यांना शनिवारी रात्री फोन केला. 10 एप्रिलनंतर दोन्ही नेत्यांनी प्रथमच चर्चा केली. ओली यांनी 74 व्या स्वातंत्र्य दिनाच्या निमित्ताने मोदी आणि भारतीय जनतेचे अभिनंदन केले. दोन्ही नेत्यांमध्ये परस्पर सहकार्याच्या मुद्द्यांवरही चर्चा झाली.

भारत आणि नेपाळ यांच्यात काही महिन्यांपासून सीमा वादावरून तणाव आहे. नेपाळने गेल्या महिन्यात आपला नवीन नकाशा जाहीर केला होता. यामध्ये भारताच्या भागातील कलापाणी आणि लिंपियाधुराला स्वत: चे म्हणून संबोधले होते. ओली यांनी नेपाळमधील खरी अयोध्या असल्याचा दावाही केला होता.

ओलींच्या सल्लागाराने माहिती दिली

ओलीचे परराष्ट्र संबंध सल्लागार रंजन भट्टराई यांनी शनिवारी रात्री माध्यमांना दोन्ही नेत्यांमधील संभाषणाविषयी माहिती दिली. रंजन म्हणाले- आम्ही नेहमीच संवादाच्या बाजूने होतो. पंतप्रधान ओली यांनी म्हणूनच भारताला पंतप्रधानांना फोन केला. दोन्ही देशांमधील संभाषणात कशी प्रगती होते हे पाहणे बाकी आहे. विशेष बाब म्हणजे याविषयी कोणतेही विधान भारताकडून प्रसिद्ध झाले नाही.

ओली दबावखाली

भारत आणि नेपाळ यांच्यात सोमवार, 17 ऑगस्ट रोजी महत्त्वपूर्ण संवाद होणार आहे. नेपाळमध्ये भारताकडून राबविण्यात येत असलेल्या विकास प्रकल्पांवर चर्चा होईल. बहुतेक प्रकल्प थेट लोकहिताशी संबंधित आहेत. ओली यांच्यावर चीनचा दबाव आहे. मात्र, त्यांनी इच्छा असली तरीही ते भारताद्वारे चालवलेल्या प्रकल्पांकडे दुर्लक्ष करण्याच्या स्थितीत नाही. पंतप्रधानपदाच्या भारतविरोधी वक्तव्यासाठी त्यांचा स्वतःचा पक्षच त्यांच्या विरोधात आहे. त्यामुळे ओलीवर सर्व बाजूंनी दबाव आहे.

ओलींच्या वक्तव्यांना भारताने दिले नाही लक्ष

भारताचे संरक्षणमंत्री राजनाथ सिंह यांनी दोन महिन्यांपूर्वी कलापानी, लिपुलेख आणि लिंपियाधुरा जोडणार्‍या रस्त्याचे उद्घाटन केले तेव्हा नेपाळने निषेध केला आणि त्यास आपला भाग म्हटले. मागील महिन्यात, हक्काचा दावा करण्यासाठी नेपाळने एक नवीन नकाशा जारी केला. हा भारतात पाठविण्यात आला होता. भारताने त्याकडे फारसे लक्ष दिले नाही. फक्त सांगितले की वेळ येईल तेव्हा नेपाळशी चर्चा केली जाईल.

त्यानंतर ओलींनी धार्मिक कार्ड खेळण्याचा प्रयत्न केला. अयोध्याच्या चितवन जिल्ह्यात रामाचा जन्म झाल्याचा दावा केला. अयोध्यापुरी म्हणून या जिल्ह्याचा विकास करण्याचे आदेश काही दिवसांपूर्वी अधिकाऱ्यांना देण्यात आले होते. तसेच राम मंदिर बांधण्याचे आदेश दिले. 5 ऑगस्टला मोदींनी अयोध्येत राम मंदिराचे भूमिपूजन केले. नेपाळमधील पुजार्‍यांनीही यात हजेरी लावली. त्यामुळे त्यांच्या घरातही ओलींची ही हालचाल फ्लॉप ठरली.