पण मंदिरांचा विषय निघाल्यावर कोरोनाच्या धोक्याचा विचार केला जातोय

वृत्तसंस्था // प्रतिनिधी 

सर्वोच्च न्यायालयाने शुक्रवारी मंदिरे उघडण्याच्या प्रश्नावर सरकारच्या वृत्तीवर प्रश्नचिन्ह उपस्थित केले. सरन्यायाधीश एस.ए. बोबडे यांच्या खंडपीठाने म्हटले आहे की, 'मॉल सुरू करण्याला सरकार मान्यता देत आहे कारण त्यात आर्थिक हितसंबंध जोडले गेले आहेत. ते यासाठी जोखीम घेण्यास तयार आहेत. परंतु, जेव्हा धर्म येतो तेव्हा कोरोनाच्या धोक्याविषयी बोलण्यास सुरुवात केली जाते'

सुप्रीम कोर्टाने मुंबईच्या भायखळा, चेंबूर आणि दादर येथील तीन जैन मंदिरांना पर्युषण महोत्सवासाठी दोन दिवस उघडण्याची मंजूरी दिली आहे. यासोबतच जैन ट्रस्टला निर्देश देण्यात आले आहेत की, कोरोनापासून बचावासाठी सर्व निर्देशांचे काटेकोर पालन करावे. कोर्टाने स्पष्ट म्हटले की, हे आदेश कोणतेही इतर मंदिर किंवा धार्मिक कार्यक्रम, विशेषतः गणेश चतुर्थीसाठी नाही.

देवाने आम्हाला माफ केले, तुमचा देवही तुम्हाला माफ करेल

सुप्रीम कोर्टात महाराष्ट्राच्या बाजूने वकील अभिषेक मनु सिंघवीने म्हटले की, याचिकाकर्ता सर्व मंदिर उघडण्याची मागणी घेऊन आले होते आणि आम्हाला यावर आपत्ती होती. चीफ जस्टिस यांनी म्हटले की, अंतरिम आदेशानुसार आम्ही 3 मंदिरे 2 दिवसांसाठी खुली ठेवण्याचे आदेश देऊ शकतो, कारण पर्यूषण उत्सव 23 तारखेला संपणार आहे.

असा झाला वाद

सिंघवी : आपण अशी परवानगी दिल्यास इतर लोकांसाठीही कायद्याचे दरवाजे उघडले जातील. प्रत्येक राज्यात वेगवेगळ्या धर्मांबाबत निर्णय घेणे सरकारला कठीण जाईल. मला हे विचारायचे आहे की उद्या कोणी म्हणेल की तुम्ही जैनांना परवानगी दिली होती, जर तुम्ही आम्हालाही द्या तर तुम्ही काय कराल?

चीफ जस्टिस : तुम्ही योग्य बोलत आहात. यामुळे न्यायालयावर भेदभाव करण्याचा आरोप लावला जाईल.

सिंघवी : महाराष्ट्रात गणपतीविषयी लोकांच्या भावना खूप संवेदनशील आहेत.

याचिकाकर्ते वकील: दुष्यंत दवे म्हणाले की, गणपती पूजा आणि पर्युषण यांच्यात फरक आहे. पर्यूषण सण मंदिरात पूजा केली जाते. हे जैनांसाठी मोठे धार्मिक महत्त्व आहे.

सरन्यायाधीश: भगवान जगन्नाथांनी आम्हाला माफ केले. तुमचा देव तुम्हाला क्षमा करेल.

सिंघवी: तुम्ही या संदर्भात काही आदेश दिले तर ते उदाहरण म्हणून घेतले जाऊ नये.

याचिकाकर्त्याचा वकील: आज कोणतेही लॉकडाउन नाही. अशा परिस्थितीत हजारो लोक मंदिरासमोर जमले तर कोणीही काही करू शकत नाही. परंतु, मी कोर्टाला आश्वासन देईल की प्रत्येक मंदिर सुरक्षिततेच्या सर्व मार्गदर्शक तत्त्वांचे पालन केले जाईल असे प्रतिपादन कोर्टाला देईल.