कोल्हापूर जिल्ह्यातील आजरा तालुक्यातील ऋषिकेश जोंधळे यांना वीरमरण

 

वृत्तसंस्था // प्रतिनिधी

आजरा तालुक्यातील बहिरेवाडी येथील ऋषीकेश रामचंद्र जोंधळे (वय २०) हे भारतीय सैन्यदलातील जवान शहिद झाले.

पाकिस्तानच्या भ्याड हल्ल्यात बारामुल्ला जम्मू काश्मीर येथे ऋषीकेश हे जखमी होवून शहीद झाल्याचे प्राथमिक माहीती मिळाली आहे. ऋषीकेश दोन वर्षांपुर्वी सैन्य दलात भरती झाले आणि त्यांचे सैन्यातील ट्रेनींग पुर्ण होऊन ते ड्युटीसाठी जॉईन झाले होते.

कोरोना लॉकडॉउनच्या काळात ते गावी होते. महिन्याभरापुर्वी ते ड्युटीवर हजर झाले. त्यांचे प्राथमिक व माध्यमिक शिक्षण गडहिंग्लज मध्ये झाले होते. शिवराज कॉलेज गडहिंग्लज येथे एन. सी. सी. प्रशिक्षण पुर्ण झाल्यावर ते सैन्य दलात भरती झाले.

त्यांच्या पश्चातआई वडील, एक बहीण असा परिवार आहे. ऐन दिवाळीत ऋषीकेश शहीद झाल्याची माहिती समजताच ते राहत असलेल्या देवूळ गल्लीसह गावावर शोककळा पसरली आहे.