महाराष्ट्रातील विशिष्ट आडनाव असेल आणि दिसायला गरीब असाल तर खाजगी हाॅस्पिटलमध्ये बेड मिळत नाहीत:- शिवस्वराज्य युवा संघटनेचे अध्यक्ष संदिप मुटकुळे

पंढरपूर // प्रतिनिधी

महाराष्ट्रातील सद्यस्थितीत बेड शिल्लक नाहीत,ही कृत्रिम समस्या निर्माण केली आहे.काही विशिष्ट आडनावाच्या लोकांना एडमिट करून घेतले जात नाही.श्रीमंत वाटणाऱ्या - श्रीमंत दिसणाऱ्या लोकांनाच बेड मिळतात,असा गंभीर आरोप शिवस्वराज्य युवा संघटना महाराष्ट्र राज्य संघटनेचे संस्थापक अध्यक्ष संदिप मुटकुळे यांनी केला आहे.करोनाच्या पार्श्वभूमीवर करोनाच्या सोबतच हृदयाविकार,पक्षघात, डायलिसिसमुळे उद्भवणारी गंभीर परिस्थितीमूळे महाराष्ट्रात सर्वच भागातून दररोज शेकडो नागरिक मिळेल त्या वाहनाने प्रत्येक हॉस्पिटलला रुग्णास ऍडमिट करण्यासाठी प्रयत्न करतात.मात्र प्रत्येक हॉस्पिटलमध्ये नकार पचवावा लागतो.यातील काहींना रस्त्यात मृत्यु आल्याचे सत्य सामान्य माणसाला किंमत नसल्याचे अधोरेखित करते.अशी काही उदाहरण सोलापूरसह पंढरपूर शहरामध्ये पाहायला मिळाले आहे.रुग्णाचे नाव,आडनाव,गरीब असल्याचा पेहराव पाहून याच्याकडून रोख रक्कम मिळणार नाही,अशी खूणगाठ ठरवून श्रीमंत वाटणाऱ्या, दिसणाऱ्या नागरिकांना ऍडमिट करण्यावर हॉस्पिटल चालकांनी भर दिल्याचे दिसून आले आहे,महाराष्ट्रातील सर्वच महापालिका,नगरपालिका,नगरपंचात, आणि राज्यसरकरला हॉस्पिटल जुमानत नाहीत.पैसे नसतील तर मरायला तयार राहा.अशी व्यवस्था निर्माण करणाऱ्या हॉस्पिटल मालक व चालक याच्यावर गुन्हे दाखल करा. महाराष्ट्राचे सार्वजनिक आरोग्य मंत्री राजेश भैय्या टोपे यांच्याकडे निवेदनाव्दारे मागणी केली आहे. प्रसिध्दीपत्रकात म्हटले आहे.असे शिवस्वराज्य युवा संघटना महाराष्ट्र राज्य संस्थापक अध्यक्ष संदिप मुटकुळे यांनी महाविकास आघाडी सरकारकडे केली आहे.