वृत्तसंस्था // प्रतिनिधी
येथील फॅबटेक टेक्निकल कॅम्पस- कॉलेज ऑफ इंजिनिअरिंग अँड रिसर्च सांगोला मधील ११० विद्यार्थ्यांची डेल या नामांकित कंपनीमध्ये निवड झाली असल्याची माहिती संस्थेचे चेअरमन व मॅनेजिंग डायरेक्टर श्री. भाऊसाहेब रुपनर यांनी दिली. यावेळी संस्थेचे कार्यकारी संचालक श्री. दिनेश रुपनर, कॅम्पस डायरेक्टर श्री. संजय अदाटे, महाविद्यालयाचे प्राचार्य डॉ. आर. बी. शेंडगे व ट्रेनिंग व प्लेसमेंट अधिकारी डॉ. साहेबगौडा उपस्थित होते.
हा कार्यक्रम डॉ. बबासाहेब आंबेडकर टेक्नॉलॉजिकल युनिव्हर्सिटी लोणेरे व डेल कंपनी यांच्या संयुक्त विद्यमाने घेण्यात आला. तीन राज्यातील (दिल्ली,महाराष्ट्र व ओडिसा) सर्व इंजिनिअरिंग कॉलेजमधील विद्यार्थी ऑनलाईन मुलाखतीसाठी सहभागी झाली होती. हा कार्यक्रम इंजिनिअरिंग कॉलेजमधील सर्व वर्गाच्या विद्यार्थ्यांसाठी मागील २ महिन्यांपासून ऑनलाईन पद्धतीने दोन सत्रामध्ये घेण्यात आला.त्यातील पहिल्या सत्रामध्ये ऑनलाईन टेस्ट घेण्यात आली. यामध्ये आर्थिक दृष्ट्या कमकुवत विद्यार्थ्यांची पुढील ऑनलाईन ट्रेनिंगसाठी निवड करण्यात आली.
यामध्ये फॅबटेक इंजिनीअरिंग कॉलेजच्या ११० विद्यार्थ्यांना पुढील दोन ते तीन महिन्यांपर्यंत मोफत ऑनलाईन ट्रेनिंग देण्यात येणार आहे. यामध्ये सध्याच्या करिअरसाठी आवश्यक अशा डिजिटल मार्केटिंग, वेब डेव्हलपमेंट ,मशीन लर्निंगचा यामध्ये समावेश आहे. हे सर्व ट्रेनिंग डेल कंपनी ऑनलाईन पद्धतीने दररोज एक ते दोन तास कोर्से वर्क घेत आहे. यामध्ये ट्रेनिंग संपल्यानंतर विद्यार्थ्यांना इंटर्नशिप सर्टिफिकेट देऊन पुढे त्यांना त्याच कंपनीत जॉब मिळवून दिला जातो.
डॉ. बबासाहेब आंबेडकर टेक्नॉलॉजिकल युनिव्हर्सिटी व डेल कंपनी ग्रामीण भागातील आर्थिक दृष्ट्या कमकुवत, गरीब विद्यार्थ्यांना मोफत ट्रेनिंग देऊन समाजातील वंचित व उपेक्षित घटकांना सामावून घेण्याचे महान कार्य केल्याबद्दल महाविद्यालयातर्फे ट्रेनिंग व प्लेसमेंट अधिकारी डॉ. साहेबगौडा संगनगौडर यांनी विद्यापीठाचे व डेल कंपनीचे आभार मानले. यासाठी अकॅडमिक डीन प्रा. टी. एन.जगताप, सर्व विभागांचे प्लेसमेंट कॉ-ओर्डीनेटर, सर्व विभाग प्रमुख व प्राध्यापक यांचे सहकार्य लाभले.
Post a Comment
Note: Only a member of this blog may post a comment.