जिल्हा पोलीस अधीक्षक तेजस्वी सातपुते यांचा नवा आदेश!

 

सोलापूर // प्रतिनिधी 

सोलापूर जिल्ह्यात कोरोना विषाणुचा प्रादुर्भाव रोखण्यासाठी प्रतिबंधात्मक उपाययोजनेचा एक भाग म्हणून सोलापूर ग्रामीण जिल्हयामध्ये गर्दी टाळण्यासाठी प्रतिबंधतात्मक योजनेच्या अनुषंगाने विविध प्रतिबंधतात्मक आदेश निर्गमित करण्यात आलेले आहेत. त्या प्रतिबंधात्मक उपाययोजनेचा एक भाग म्हणुन सोलापूर ग्रामीण जिल्हयातील आंतरजिल्हा व आंतरराज्य सरहद्दीवरील १७३ लहान-मोठे रस्ते बंद करून लोकांच्या येण्या-जाण्याकरीता व वाहतुकी करीता प्रतिबंध करणे आवश्यक आहे असल्याने महाराष्ट्र पोलीस कायदा १९५१ च्या कलम ३३ (१) (ब) अन्वये मला प्राप्त असलेल्या कायदयाच्या आधारे २४/०४/२०२१ रोजी ००.०१ ते दिनांक ०१/०५/२०२१ रोजी ०७.०० वाजेपर्यंत सोलापूर ग्रामीण जिल्हयातील आंतरजिल्हा व आंतरराज्य सरहद्दीवरील सोबत जोडलेल्या परिशिष्ट ०१ मधील नमुद १७३ लहान-मोठे मार्ग बंद करून त्या मार्गाना परिशिष्ट ०२ मधील नमुद २६ लहान मोठे मार्ग अत्यावश्यक सेवा करीता पर्यायी मार्ग म्हणुन चालू ठेवण्यात येणार असल्याचे आदेश जिवानिशा / कोरोना विषाणु प्रतिबंध / वाहतुक नियमन / २०२१ / ३८८ दिनांक २३/०४/२०२१ अन्वये दिलेले होते त्यांनतर महाराष्ट्र शासन तसेच जिल्हा प्रशासनाच्या निर्देशनानुसार सदरचा आदेश हा दिनांक १५/०५/२०२१ रोजी सकाळी ०७.०० वाजेपर्यंत व पुन्हा दिनांक ०१/०६/२०२१ रोजी सकाळी ०७.०० वाजेपर्यंत कायम करण्यात करण्यात आलेला होता.

ज्या अर्थी महाराष्ट्र शासन आपत्ती व्यवस्थापन, मदत व पुनर्वसन, महसूल व वनविभाग मंत्रालय मुंबई यांचेकडील क. DMU/2020/CR.92/DisM-1 दिनांक ३० मे २०२१ अन्वये तसेच जिल्हा प्रशासनाने जा.क्र. २०२१ / डीसीबी/०२/आरआर/२४२६ दिनांक ३१/०५/२०२१ अन्वये ब्रेक द चैन अंतर्गत लागू केलेल्या प्रतिबंधात्मक उपाययोजना करण्यासाठी यापुर्वी लागू करण्यात आलेले निर्बंध दिनांक ०१/०६/२०२१ रोजी सकाळी ०७:०० वाजेपासुन दिनांक १५/०६/२०२१ रोजी सकाळी ०७. .00 वाजेपर्यत लागू ठेवण्याचे आवश्यक असल्याचे निर्देशीत केले आहे.

त्या अर्थी मी तेजस्वी सातपुते पोलीस अधीक्षक सोलापूर ग्रामीण महाराष्ट्र पोलीस कायदा १९५१ च्या कलम ३३ (१) (ब) अन्वये मला प्राप्त असलेल्या कायदयाच्या आधारानुसार दिनांक १४/०५/२०२१ रोजी दिलेला आदेश हा दिनांक ०१/०६/२०२१ रोजी सकाळी ०७:०० वाजेपासुन दिनांक १५/०६/२०२१ रोजी सकाळी ०७.०० वाजेपर्यंत कायम करण्यात येत आहे.